Jæja jæja.....núna erum við loksins komin heim :)

Síðustu dagar eru búnir að vera alveg æðislegir. Litli prinsinn kom í heiminn 16.febrúar (alveg eins og Guðný frænka var búin að segja) Kl 20:31. Hann var 13 merkur og 49 cm og bara alveg fullkominn  Fæðingin gekk bara mjög vel, það var sprengt á belginn kl 12 á hádeigi svo þetta tók ekkert svo langann tíma. Kári og mamma voru hjá mér og ég get sko sagt ykkur að ég hefði aldrei getað þetta án þeirra. Við þurftum að vera á spítalanum aðeins lengur heldur en við gerðum ráð fyrir. Það var ekkert alvarlegt að, litli kúturinn fékk reyndar guluna, var samt á mjög vægu stig en nóg til að þurfa að fara í ljós í 12 tíma. Það var svoldið erfitt fyrir okkur foreldrana svona til að byrja með  en svo sáum við hvað honum leið vel þarna inni og það gerði mann mun rólegri :)
Ég vil nú líka þakka fyrir allar kveðjurnar og heimsóknirnar

Kveðja Ásdís mamma

Já ég hef sko heldur betur fréttir að færa!!! Það á að setja mig af stað á morgun!!!!!!! Ég er ekki enn að átta mig almenilega á þessu. Kl hálf níu í fyrramálið á að sprengja á belginn og svo fer vonandi allt að gerast :) en ég þarf að fara að koma mér í háttinn, best að reyna að ná góðum svefni fyrir átökin þó að ég efist um að það verði auðvelt að sofna. Ég læt svo myndr inn við first tækifæri :)

Ásdís Bumbulína.....spenntust í heiminum :)

Hæ aftur og takk fyrir allar heimsóknirnar og kommentin, það er alveg ómetanlegt að sjá hverjir eru að fylgjast með manni. Það er nú ekki mikið að frétta héðan, ég hef það bara nokkuð gott, enda er hugsað alveg rosalega vel um mann hérna:) Ég fæ samt ekkert að fara meira heim, er komin á það stig meðgöngueitrunar að ég verð að vera undir stöðugu eftirliti. Ég fór í sónar í gær sem gekk rosa vel, litli kúturinn er orðin rétt rúmlega 12 merkur sem er mjög gott. Í morgun kom svo læknir til mín og var að tala aðeins við mig um hvað er framundan. Hún var mjög ánægð með niðurstöðurnar úr sónarnum og núna tekur bara við að sjá einn dag í einu hvernig þróunin á mér er, það er blóðþrýstingurinn og svona. Það er allaveg ekki verið að fara að setja mig af stað strax nema að ástandið versni strax. Svo við litli kútur tökum því bara rólega og sjáum bara hvernig staðan er á hverjum deigi og pössum að hvíla okkur vel :)

Jæja það er komin tími á smá hvíld, var vakin kl átta í morgun með sprautu....svona er þetta spítalalíf hehe;)

Halló halló, vona að það sé ennþá einhver sem kíkir á þessa síðu, viðurkenni sko alveg að ég er ekki búin að vera sú duglegasta að skrifa, ætla ekki að lofa því að ég fari að standa mig eitthvað miklu betur, en ég reyni að vera dugleg :)

Á föstudaginn fór ég í mæðraskoðun, hef verið að fara aðeins oftar núna þar sem ég var komin með öll byrjunareinkenni af meðgöngueitrun, það er hækkandi blóðþrýstingur, bjúg og eggjahvíta í þvagið (sem þýðir að nýrun eru ekki að starfa rétt) Á föstudaginn ákvað ljósmóðirin mín að senda mig upp á landsspítala þar sem blóðþrýstingurinn og eggjahvítan var komin yfir eðlileg mörk og eins og hún orðaði þetta þá er best að setja mig í hendur alvuru fagmanna núna. Ég og Kári komum upp á spítala rétt fyrir fjögur og þá var ég sett í monitor, þá er verið að fylgjast með hreyfingum og hjartslætti hjá stráknum og svo hvort ég sé með einhverja samdrætti, það var líka tekið blóð og mæld eggjahvíta í þvaginu. Þegar allar niðurstöur voru komnar var ákveðið að leggja mig inn til að fylgjast betur með mér. Ég bjóst bara við að þurfa að vera hérna eina nótt, en hér er ég ennþá. Ég er víst komin á það stig meðgöngueitrunar að það þarf stöðugt að fylgjast með mér. Það er samt eitt mjög jákvætt í þessari stöðu sem ég er í og það er að ég er komin svo langt, 37 vikur í gær sem telst þannig séð sem full meðganga. Læknirinn sem talaði við mig í gær sagði að þegar kona er komin svona langt væri farið að huga að því að setja hana af stað og það gæti þess vegna gerst í þessari viku!! þannig að hver veit nema við fáum prinsinn okkar bara í fyrra fallinu, ekki ætla ég að kvarta mikið yfir því. Það er samt ekkert komið á hreint með þetta, núna bíð ég bara eftir fréttum frá lækninum. Ég lofa að þið fáið fréttir um leið og eitthvað gerist, eða verður ákveðið :)

Fyrir þá sem vilja lesa sér til um meðgöngueitrun mæli ég með að skoða þetta
http://www.doktor.is/Article.aspx?greinid=375

Halló halló

Jæja ef maður er ekki búinn að vera aðeins of latur við að skrifa hérna, en það ætti að fara að rætast úr því  
Ég fór í mæðraskoðun á miðvikudaginn og það kom í ljós að ég er komin með of háann blóðþrýsting og eggjahvítu í þvagið sem er víst ekki alveg nógu gott. Ljósmóðirin mín skipaði mér allavega að hætta að vinna og fara að taka því mjööög rólega, taka mataræðið í gegn og forðast allt salt. Það er strax orðið erfitt en ég þrauka þetta og fyllti bara ískápinn af ávöxtum og grænmeti í gær, gott að grípa í eitthvað svoleiðis þegar manni langar í eitthvað að narta. Annars hef ég það nú ágætt, er reyndar farin að finna ansi mikið fyrir þyngdinni sem er komin á mig, hlutir eins og að fara í skóna og standa upp úr sófanum eru bara ekki eins auðveldir og áður...hehe. Litli prinsinn hefur það mjög gott í maganum, hann stækkar alveg eðlilega og hreyfingarnar eru mjög góðar. Það er ótrúlega gaman að horfa á magann á sér breyta um lögun eftir því hvernig hann snýr sér

Síðustu vikur hafa verið mjog fróðlegar, við fórum á foreldranámskeið sem var nokkuð athyglisvert. Þetta er ekki beint námskeið um foreldrahlutverkið heldur er meira verið að fara í ferlið fyrir fæðinguna, fæðiguna sjálfa, verkjalyf sem boðið er upp á og svo firstu dagarnir eftir fæðingu. Við horfðum á video þar sem sýnt var frá tvem fæðingum og það var ansi gaman að sjá svipinn á strákunum þegar þeir horfðu á þetta. En núna er maður allavega aðeins fróðari og það ætti ekki margt að koma manni á óvart í fæðingunni sjálfri eftir þetta.

Jæja nóg í bili....skrifa aftur fljótlega

Ásdís bumbulína

já það er bara komið nýtt ár, trúi því varla hvað tíminn er fljótur að líða!  

Áramótin voru rosa góð, borðuðum rosa góðann mat hjá bróðir hans Kára og skemmtum okkur mjög vel, ég endaði á "djamminu" og klukkan var bara að nálgast hálf fimm þegar ég skreið upp í rúm. Þetta er sko þvílíkt afrek fyrir mig því ég er venjulega farin að geyspa all verulega um tíu leitið á kvöldin..hehe

Venjulega þegar konur eru óléttar er talað um að börnin sparki inn í maganum en ég er sko búin að komast að því að strákurinn okkar Kára er sérstakur, hann sparkar jú alveg en hann klípur líka! Já það varð líklega soldið skrítinn svipurinn á mér þegar ég var að borga í Hagkaup um helgina og kipptist allt í einu til og fór svo að hlægja, það var eins og ég hafi verið klipinn og það inní maganum! Ég krossa nú bara puttana og vona að þetta hafi verið bara þetta eina skipti því ég get sagt ykkur að þetta var ekki það þægilegasta sem ég hef upplifað. Annars höfum við það bara nokkuð gott, finnst ég reyndar alveg vera að springa, en það fylgir þessu bara svo það þýðir lítið að vera að kvarta Það er samt svo stutt eftir, ekki nema 7 vikur og 4 dagar! Ég hætti að vinna 2.febrúar og tel niður dagana, ekki misskilja mig, mér finnst mjög gaman í vinnunni en maður finnur það betur á hverjum degi hvað hvíldin skiptir miklu máli og ég hugsa að það veiti ekki af að slappa all verulega af fyrir átökin. Það er líka margt sem á eftir að gera, taka upp úr kössum, flokka öll fallegu fötinn sem við fengum frá Frosta litla sæta. Svo á eftir að sækja rúmið og skiptiborðið og kaupa það sem vantar. Svo ég sé fram á að ég hafi nóg til að dunda mér við í fríinu. Er búin að lofa mér að vera líka dugleg að fara út, heimsækja fólk og bara njóta þess að vera til

En jæja, best að halda áfram að vinna. Þið fáið svo bumbumyndir bráðlega, ég lofa

Ásdís bumbulína